Мектебіміздегі "Жас  мұғалімдер мектебінің" жетекшісі  А. Абугалиева мен мектеп психологі Л. Жумаеваның  ұйымдастыруымен  "Педагогикалық  кәсібилік пен шеберлікке  бір қадам"  тақырыбындағы апталықтың  оқу күні  болып өтті. Онда жас  ұстаздар "Мен мұғаліммін" тақырыбында таныстырылым жасап, педагогикалық  тапсырмалар орындады. Сауалнамаға жауап беріп, өздері де  кедергілері мен қиындықтары  туралы тәжірибелі ұстаздардан ақыл - кеңес алды. Тренингке қатысқан  Даулетова  Айзаданың  жан -жақтылығы, Идрисова Нұрсауленің  өз пәніне  деген  сүйіспеншілігі олардың болашақта  жақсы маман болатындығын айғақтағандай. Жас мұғалімдердің  барлығы да жаңа бір қырынан танылды. Ең бастысы, "Мен мұғаліммін" деп, өз кәсібінің қиын да қызықты соқпағына түскендіктерін толығымен сезініп тұрған әріптестерімізге жемісті еңбек жолын тілейміз! 

Келесі сәрсенбіге дейін ашық сабақтар мен тәрбиелік шаралар, сонан соң қорытынды есеп күні.